जगणे डॉ. श्रीनिवास कशाळीकर

आपण जगतो म्हणजे काय करतो?

आपल्या जगण्याच्या बाह्य, वरवरच्या, थिल्लर, जुजबी आणि क्षणभंगुर बाबी म्हणजे आपले कपडे, खाणे-पिणे, शारीरिक उपभोग-भोग, यश-अपयश, मान-अपमान, फायदा-तोटा, कौटुंबिक सुख-दु:ख; इत्यादी. ह्यातले काही अनुभव खोलवर जाऊन बराच कालपर्यंत आपल्याला उत्तेजित किंवा उदास करीत राहतात हे खरे. पण तरीही ह्या बाबी आपल्याला स्वस्थ करीत नाहीत. कारण ही सर्व जगण्याची �टरफले� आहेत!

परंतु पूर्वजन्मीच्या किंवा ह्या जन्मीच्या नामस्मरणाने; स्वत:च्या आणि इतरांच्या कल्याणाविषयी जी वैचारिक स्पष्टता येते ती स्पष्टता, जी गोड आणि उत्कट आस्था तयार होते ती आस्था, आणि त्या अनुरोधाने जी मन:पूर्वक कृती घडते ती कृती; ह्या तीनही बाबी मात्र हृदयाच्या अगदी जवळ असतात. इतक्या जवळ की शरीराच्या मृत्यूने देखील त्या नष्ट होणार नाहीत याची आत पक्की खात्री होते आणि परम समाधान होते. जन्मभर आपण कळत-नकळत ज्याच्या शोधात होतो, ते हेच आणि ह्याचसाठी केला होता अटाहास असे मनोमन वाटते! हे �जगणे� शरीराच्या मृत्युनंतर देखील टिकून राहणार याची खात्री पटते.

जगण्याची �टरफले� दुय्यम बनतात आणि प्रसंगी निरर्थक आणि क:किंमत बनतात.

नामस्मरण करणाऱ्यांना ह्याचा पडताळा घेता येऊ शकेल!